Hversu lengi ætla menn að berja hausnum við steininn?

Hversu lengi ætla íslensk stjórnvöld að neita að horfast í augu við að nausynlegt er að upplýsa þá gríðarlegu spillingu sem viðgekkst á árunum fyrir bankahrunið. Það er alger nauðsyn að fara alvarlega ofan í saumana á öllum aðdraganda þess. Ástæðurnar eru einfaldar.

1. Almenningur er í þessum töluðu orðum að fá sendan reikninginn vegna spillingarinnar.

2. Það verður aldrei sátt um óljósa eða óskýra niðurstöðu og að almenningur gjaldi einhliða fyrir gerðir annarra.

3. Ef fyrirbyggja á framtíðarhrun og spillingu verður að upplýsa hvað gerðist, hverjir voru þátttakendur og hverjir voru leikstjórnendur í þessu hruni.

4. Líklegastir til að velta við mikilvægustu steinunum eru þeir sem komu sannanlega ekki að hruninu og spillingunni og eiga engra hagsmuna að gæta í því og það eru erlendir sérfræðingar eins og Eva Joly.

Hvet íslensk stjórnvöld að skoða vandlega þetta mál og glata ekki trausti almennings í þessu mikilvæga máli.

Eva Joly íhugar að hætta

Ánægjulegur viðburður, en hörmulegt að sjá niðurnítt skólahús í Reykholti!

Það er ekki gaman að sjá myndina með fréttinni, en þar má sjá niðurnítt gamalt skólahús að baki steindum Snorra Sturlusyni. Snorri lítur bara vel út miðað við blessað húsið sem er alger hörmung. Hvernig væri að þeir opinberu aðilar sem ég reikna með að eigi húsið bjóði atvinnulausum að lagfæra það í sumar. Legg þetta svona til í atvinnuleysinu og kreppunni. 

Norsk og íslensk tónlist í Reykholti

Er verjandi að nauðga fólki ef það þjónar hagsmunum Bandaríkjanna?

Það er með ólíkindum hvað George Bush og samverkamaður hans Dick Cheney eru tilbúnir að ganga langt í siðleysi sínu. Að mynni hyggju ætti að sækja þessa menn og fleiri til saka fyrir alþjóðadómstólum vegna gerða þeirra. Það á ekki að líðast að þessir valdamiklu menn komist hjá refsingu alþjóðasamfélagsins vegna hrottalegrar meðferðar á föngum. Hér þarf að skerpa á alþjóðalögum um glæpi ríkja og leiðtoga ríkja gagnvart einstaklingum sem grunaðir eru um saknæmt athæfi. Háskóla samfélagið í Bandaríkjunum hefur þegar refsað þeim löglærðu mönnum sem gáfu út lögskýringar til stuðnings ofbeldinu í Quantanamo. Eftir stendur að lögsækja Bush og félaga. Vonandi tekst alþjóðasamfélaginu að hrinda af stað gagngeru átaki í þá veru.

Bush ver harkalegar yfirheyrslur

Að hyggja hátt en hugsa smátt!

Tek undir með Lilju og öðrum þingmönnum sem vilja huga að heildaráhrifum lagasetningar í þinginu áður en lög eru samþykkt. Það ætti ekki að þurfa hagfræðinga til því þessi sjálfsagða krafa ætti að vera regla en ekki einhver undantekning. Það hefur einmitt stundum virst skorta þetta sjónarmið, ekki síst í ýmsum úttektum á vegum ráðuneyta og stofnana. Nýjasta dæmið um þetta er ef til vill skýrsla sérfræðinga um sameiningu háskólanna í landinu. Þar er einungis horft til stöku þátta í starfsemi háskóla og vonandi verður sú þröngsýni og þjóðhverfi hugsunarháttur sérfræðinganna, sem þar kemur fram, ekki látinn liggja til grundvallar ákvarðanatöku í þá veru sem þar er lagt til.  

Allt tekið með í reikninginn

Tímabær endurskoðun takmörkunar tjáningafrelsis og upplýsingamiðlunar!

Það er fyllilega tímabært að stemma stigu við takmörkun tjáningarfrelsis og upplýsingastreymis og misnotkun hryðjuverkalaga. Íslendingar hafa ýmislegt lært í þessu efni á undanförnum misserum í kjölfar kerfishrunsins, en eiga samt margt ólært og ógert t.d. í að létta bankaleynd af málum sem varða almenna hagsmuni og opna skúffur og skápa ráðuneyta, sem eiga að þjóna almenningi en ekki öfugt.  

Hryðjuverkalög endurskoðuð

Pars pro toto eða að hyggja stórt en hugsa smátt!

Hvað merkir tveggja háskóla kerfi? Af fréttinni að dæma virðist sem hinir víðsýnu alþjóðlegu sérfræðingar taki einkum mið af þremur forsendum, þ.e. legu landsins, íbúafjölda og stærð íslenska hagkerfisins. Hvað um inntak íslenskrar háskólamenntunar, þeirra vísinda sem stunduð eru og þann mannauð sem skapast þjóðinni og alþjóðasamfélaginu til hagsbóta?

Ekki veit ég hvaða markmið nefndinni voru sett af íslenskum stjórnvöldum, en mér sýnist einungis fjármögnunarforsendur séu hafðar að leiðarljósi því í litlu er getið, í fréttinni að minnsta kosti, þeirra afurða - þess mannauðs - sem núverandi háskólastarfssemi er að skila íslensku þjóðarbúi og alþjóðasamfélagsinu. Ef skýrslan tekur ekki á þessum þáttum er hún bara ein úttektin enn sem einungis skoðar hluta málsins í stað heild þess og vídd. Slíka ráðgjöf ber að afþakka og virða að vettugi.

Höfuð vandamál íslenskra háskóla er ekki fjöldi þeirra, staðsetning, rekstrarkostnaður né stærð, heldur vísindaleg starfssemi þeirra og fagleg tengsl háskólastofnananna innbyrðis og við alþjóðasamfélagið. Sóknarfæri íslenska háskólakerfisins eru mörg og ekki síður á alþjóðlegum vettvangi. Í hagkreppu samtímans er einmitt mikilvægt að Íslendingar láti „þúsund blóm blómstra“ á vettvangi vísinda og fræða, með það að markmiði að skapa forsendur bjartrar efnahagslegrar framtíðar.

   

Mæla með tveggja háskóla kerfi

Pólitískt „statement" ráðherra!

Gotta að heyra að Ögmundur hefur undirritað þjónustutilskipunina og ef til vill væri batnandi manni er best að lifa. Það er mikilvægt að setja fyrirvara þar sem þeir eiga við í samningum, en ég túlka nú drátt Ögmundar í þessu máli miklu fremur pólitískt „statement“ en raunverulega varkárni. Það stendur nefnilega ekki til og mun ekki standa til, ef marka má stefnuyfirlýsingar samstarfsflokksins, að Íslendingar afsali sér sjálfsögðum rétti til að hamla gegn einkavinavæðingu heilbrigðis- og félagsþjónustunnar. En Ögmundur fær plús í kladdan frá undirrituðum.  

Þjónustutilskipun ESB samþykkt með fyrirvörum

Leitum samstarfs - sækjum um aðild að ESB!

Það skilur hver sem vill að ekki er hægt að ganga til samstarfs við aðra án þess að kynna sér þá kosti sem samstarfið býður. Hitt er svo annað mál að samstarf er lykilorð þeirra válegu tíma sem við lifum á því einungis með auknu samstarfi á alþjóðlega vísu er mögulegt að koma á friði í heiminum, rétta við efnahag þjóða og efla mannlíf.

Einangrun þjóða á þjóðlegum forsendum er ekki vænlegt í þessu tilliti og talsmenn slíkra sjónarmiða eru íhaldssamir og því miður oft fullir að stórhættulegri þjóðrembulegri þjóðhverfu sem hefur ekki reynst vel, enda vitnisburðurinn nærtækur ef aðdragandi kerfishrunsins og kreppunnar er skoðaður fordómalaust.

Fleiri dæmi mætti nefna sem eru miklu verri, en læt staðar numið.

„Þjóðin viti hvað er í boði“

Meta þarf þjóðhagslegt mikilvægi fyrirtækja!

Mikilvægt er að þjóðhagslegt mat fari fram á öllum fyrirtækjum sem eru í afskriftarumræðunni þannig að einungis þjóðhagslega mikilvægum fyrirtækjum verði hjálpað með afskriftum og endurfjármögnun. Önnur fyrirtæki verði gerð upp. Einungis með slíkum hætti verður hægt að draga úr kostnaði almennings vegna kerfishrunsins.

Liðka þarf fyrir kaup erlendra aðila á Þeim fyrirtækjum sem ekki yrði hjálpað því það er eina leiðin til að fá erlendan gjaldeyri inn í hagkerfið og að fyrirtækin haldi áfram rekstri.  

Afskrifa 75% fyrirtækjalána

Boðar ekki gott fyrir áframhaldandi stjórnarsamstarf!

Þessi frétt kemur ekki á óvart. Því miður virðast VG staðfesta með þessu uppátæki afstöðu sína til aðildar að ESB og til samstarfs við Evrópuþjóðir. Yfirvarp VG er ekki trúverðugt, að skoða þurfi betur þjónustutilskipunina.

Afstaða VG til ESB hefur staðið í veginum fyrir eðlilegri kynningu á evrópumálunum og það er athyglivert að Ögmundur Jónasson svarar fyrir þetta því í t.d. BSRB samtökunum sem hann hefur í árabil verið í forsvari fyrir hefur ekki mátt ræða þessi mál af neinni alvöru vegna afstöðu hans.

 

VG stoppaði ESB-lögin